May 18, 2024
सुचना प्रविधी

एमडीएमएसबाट बन्द भएका फोन नखुल्ने

काठमाडौँ, आइतबार, ३ मङ्सिर २०८० । नेपालमा करिब ५० लाखको संख्यामा एमडीएमएसमा दर्ता नभएका फोन रहेको प्राधिकरणले जनाएको छ । नेपाल दूरसञ्चार प्राधिकरणले कात्तिक २० गतेदेखि मोबाइल डिभाइ म्यानेजमेन्ट सिस्टम (एमडीएमएस)मा दर्ता नभएका फोन ब्लक गर्न थालेको छ । पहिलोपटक प्राधिकरणले एक हजारभन्दा बढी आइफोन र अन्य महँगा एन्ड्रोइड फोन ब्लक गरेको थियो । प्राधिकरणले एमडीएमएसमा दर्ता नभएका फोनहरु क्रमशः बन्द गर्दै जाने बताएको छ ।

एमडीएमएसमा दर्ता नभएका फोन ब्लक हुन थालेसँगै ब्लक भएका फोन प्रयोगकर्ताले कर तिरेर आफ्नो फोन अनब्लक गर्ने विकल्पबारेको व्यवस्थाका विषयमा जिज्ञासा व्यक्त गरेका छन् ।

कसरी खुल्छ एमडीएमएसबाट ब्लक भएको फोन ?

प्राधिकरणले दूरसञ्चार सेवा अवरुद्ध गरेको वा ब्लक गरिएको फोन अनब्लक गर्ने वा खुला गर्न तत्काल व्यवस्था नभएको बताएको छ । प्राधिकरणका सहायक प्रवक्ता अच्युतानन्द मिश्रले प्रतिबन्ध लागेका फोन कर तिरेर कसरी खुलाउने भन्नेबारे तयारी भइरहेको बताउनु भयो ।
“एमडीएमएसबाट ब्लक गरिएका फोन कर तिरेको अवस्थामा कसरी खुलाउने भन्ने कार्यविधि बनेको छ । अब, त्यसतर्फ काम भइरहेको छ । त्यो व्यवस्था भएपछि फोन अनब्लक गर्न सकिनेछ,” प्राधिकरणका सहायक प्रवक्ता मिश्रले भन्नुभयो ।

लामो समयदेखि एमडीएमएस प्रणाली कार्यान्वयनमा ल्याउन खोजेको प्राधिकरणले कात्तिक २० देखि मात्रै थोरै–थोरै संख्यामा गरेर फोन ब्लक गर्न थालेको हो ।

Leave a Reply

Your email address will not be published. Required fields are marked *