काठमाडौं, सोमबार, १५ बैशाख २०७७ । कोरोना भाइरसको संक्रमणपछि अस्पताल भर्ना भएका ८ लाख ७८ हजार भन्दा बढी मानिस उपचारपछि निको भएर घर फर्किएका छन् ।

कोरोना भाइरसको तथ्यांक अध्यावधिक गरिरहेको वर्ल्डोमिटरका अनुसार कोरोना संक्रमणका कारण २ लाख ७ हजार जनाको कोरोनाका कारण मृत्यु भएको छ । युरोपमा ४ लाख ७ हजार ४९ जना कोरोनाको संक्रमणबाट मुक्त भएका छन् भने १ लाख २० हजार ११८ जनाको मृत्यु भएको छ ।

यो समाचार तयार पार्दासम्म उपचारपछि निको भएर घर फर्किने मानिसहरुको उक्त संख्या ८ लाख ७८ हजार ५९८ पुगेको छ । भने संक्रमितको संख्या २९ लाख ९५ हजार ३० पुगेको छ ।

त्यसैगरी, उत्तर अमेरिकी मुलुकहरुमा १ लाख ४४ हजार ३२५ जना निको भएका छन् । ती मुलुकहरुमा ५८ हजार ७०३ जनाको मृत्यु भएको छ । एसियाली मुलुकहरुमा २ लाख २० हजार ७७२ जना कोरोना संक्रमित निको भएका छन् । एसियाली मुलुकमा १६ हजार ९५३ जनाको मृत्यु भएको छ ।

दक्षिण अमेरिकी मुलुकहरुमा ४७ हजार ९२४ जना कोरोना संक्रमित उपचारपछि निको भएका छन् भने ६ हजार २० जनाको मृत्यु भएको छ ।

अफ्रिकी मुलुकहरुमा अहिलेसम्म संक्रमित भएका ३१ हजार १ सय २ जनामध्ये ९ हजार ५३० जना उपचारपछि घर फर्किएका छन् । त्यहाँ अहिलेसम्म १ हजार ३ सय ७९ जनाको मृत्यु भएको छ ।

तुलानात्मक रुपमा कोरोना भाइरसको संक्रमण कम देखिएको अष्ट्रेलिया तथा ओसिनिया मुलुकहरुमा अहिलेसम्म १०१ जनाको मृत्यु भएको छ भने ६ हजार ७३३ जना उपचारपछि घर फर्किएका छन् ।

LEAVE A REPLY

Please enter your comment!
Please enter your name here