आर्थिक वर्ष २०७७। ०७८

नीति तथा कार्यक्रम

प्रदेश न ४

अजिरकोट गाउँपालिका

गोरखा जिल्ला

गाउँसभा सदस्य ज्युहरु,

राष्ट्र सेवक कर्मचारीहरु,

नागरिक अगुवा साथै सम्पुर्ण अजिरकोटवासी वुवाआमा, दाजुभाई तथा दिदीवहिनीहरु,

अजिरकोटवासी नागरिकहरुको आकांक्षा र आवश्यकतालाई  प्राथमिकता दिदै  “दिगो विकास हाम्रो सोच, सुन्दर शान्त समृद्ध अजिरकोट” को दीर्घकालिन सोचलाई मुर्त रुप दिने अठोटका साथ नेपालको संविधानले परिकल्पना गरेको र नेपालमा नौलौ अभ्यासको रुपमा स्थापित स्थानीय सरकार अजिरकोट गाउँपालिका यस क्षेत्रको विकास र समृद्धिमा नागरिकको चाहना र आवश्यक्ता अनुसार निरन्तर लागिरहेको करिव तीन वर्ष पुरा भएको विषय सम्मानित सभासमक्ष जानकारी गराउँदछु ।

मानव जातीकै लागि चुनौतिको रुपमा देखा परेको कोभिड-१९ को महामारीबाट स्वदेश तथा विदेशमा जीवन गुमाउनु भएका सम्पुर्ण दिदीबहिनी तथा दाजुभाइप्रति भावपूर्ण श्रद्धाञ्जली अर्पण गर्दै शोकाकुल परिवारजनप्रति गहिरो समवेदना व्यक्त गर्दछु । कोभिड–१९ बाट संक्रमित हुनुु भएका सबै नेपाली दिदीबहिनी तथा दाजुभाईहरुको शीघ्र स्वास्थ्य लाभको कामना गर्दछु । साथै, सम्पुर्ण दिदीवहिनी तथा दाजुभाईहरुलाई कोभिड १९ बाट आफु बच्न र अरुलाई पनि बचाउन उच्च सतर्कता अपनाउन अपिल गर्दछु । अजिरकोट गाउँपालिकाले यस महामारीको संवेदनशीलतालाई हृदयगंम गरी आगामी आर्थिक वर्षको नीति तथा कार्यक्रमको प्राथमिकताका क्षेत्रहरुमा परिवर्तन गरेको विषय सम्मानित सभासमक्ष राख्न चाहन्छु ।

कोरोना भाइरस (कोभिड १९) महामारीको घडीमा एकजुट भई महामारीको रोकथाम, नियन्त्रण र उपचार कार्यमा अग्रपंक्तीमा अहोरात्र खटिनु हुने स्वास्थ्यकर्मी, सुरक्षाकर्मी लगायत राष्ट्रसेवकको योगदानको उच्च प्रशंसा गर्दछु । जोखिमपूर्ण यस परिस्थितिमा आ–आफ्नो तहबाट खटिनु हुने जनप्रतिनिधि, सञ्चारकर्मी, उद्योगी, व्यवसायी, निजी क्षेत्र, नागरिक समाज लगायत सबै व्यक्ति तथा संघसंस्थाहरुलाई धन्यवाद व्यक्त गर्दछु । यस विषम परिस्थितिसंग लडिरहदा हामी सामु अनगिन्ती चुनौतिहरु र अवसरहरु देखापरेका छन् । यसर्थ यस घडिमा हामीले कुल्चिएको धरातल र लिएको लक्ष्यमा समदृष्टि पुर्याउदै भावी अवसरहरुलाई प्राप्ती गर्न विद्यमान महामारीको विषम परिस्थितिबाट पार पाउनुपर्ने चुनौती रहेकोछ ।

प्रत्यक्ष लोकतन्त्र उत्तम शासन प्रणालीको रुपमा विश्वभर स्थापित भईरहेको सन्दर्भमा नेपालमा संघियता कार्यान्वयन गर्ने शिलसिलामा गठित स्थानिय सरकारहरु पनि प्रत्यक्ष लोकतन्त्रका अनुपम उदाहरणको रुपमा रहेको पाईन्छ । अजिरकोट गाउँपालिका पनि जनचाहना र आवश्यक्तालाई केन्द्रमा राखी विकास र समृद्धिको बाटोमा हिडिरहेको कुरा सर्वविदितै छ । यद्यपी मानवस्रोतको अप्रयाप्तता, भौतिक पूर्वाधारको न्युनता र  संस्थागत विकासमा कमीका वावजुत पनि  यस गाउँपालिका आप्mना नागरिकहरुको प्रत्यक्ष संलग्नतामा विकास र समृद्धिको बाटोमा हिडिरहेको कुरा सम्मानित सभासमक्ष जानकारी गराउदछु ।

उपस्थित गाउँसभा सदस्य ज्युहरु,

नेपाली जनताले पटक पटक गरेको त्याग र बलिदान, ऐतिहासिक जनआन्दोलनको गौरवपूर्ण इतिहासकोे जगमा नेपालको स्वतन्त्रता, सार्वभौमिकता, भौगोलिक अखण्डता, राष्ट्रिय एकता, स्वाधिनता र स्वाभिमानलाई अक्षुण राखी जनताको सार्वभौम अधिकार, स्वायत्तता र स्वशासनको अधिकारलाई आत्मसात गर्दै संघिय लोकतान्त्रिक गणतन्त्रात्मक शासन व्यवस्थाको माध्यमबाट अजिरकोट गाउँपालिकाबासीहरुको दीगो शान्ति, सुशासन, विकास र समृद्धिको आकांक्षा पूरा गर्ने लक्ष्यका साथ सम्मानित गाउँसभासमक्ष आर्थिक वर्ष २०७७।०७८ को वार्षिक नीति तथा कार्यक्रम प्रस्तुत गर्न गईरहेको छु ।

क) आर्थिक विकास

अजिरकोट गाउँपालिकामा उपलब्ध स्थानीय स्रोत, श्रम, सीप र पूँजीको सामुहिक परिचालनको माध्यमबाट उत्पादकत्व वृद्धि गरी पालिकाको दीगो र समतामुलक आर्थिक विकास गरिनेछ ।

कृषिमा लगानी, अजिरकोटको चिनारी नाराका साथ आगामी आर्थिक वर्ष २०७७।०७८ लाई अजिरकोट कृषि प्रवद्र्धन वर्षको रुपमा मनाउदै कृषि संवन्धी विविध कार्यक्रमहरु संचालन गरिनेछ ।

गैर सरकारी तथा नीजि क्षेत्रसँग समन्वय गरी कृषिको व्यावसायिकरण, विशिष्टिकरण तथा रोजगारी सृजनाका लागि एक वडा एक कृषि वस्तु  प्रवद्र्धन कार्यक्रम संचालन गरिनेछ ।

आर्थिक रुपमा विपन्न, दलित, अपाङ्गता भएका व्यक्ति, एकल महिला, यौनिक अल्पसंख्यक, आदिवासी जनजाति तथा सिमान्तकृत वर्गका लागि विशेष अनुदान मार्फत कृषिमा रोजगारी श्रृजना गर्न तथा युवाको भूमिका बढाउन न्यून व्याजमा सहुलियतपूर्ण ऋणको प्रवन्ध मार्फत कृषि क्षेत्रमा लगानी बढाईनेछ ।

साथै, महिला किसान तथा विदेशबाट फर्केका युवाहरुलाई कृषि उद्यममा संलग्न गराउन विशेष प्याकेज लागु गरिनेछ ।

खाद्य तथा पोषण सुरक्षाको लागि अजिरकोट गाउँपालिकामा एक घर एक करेसाबारी कार्यक्रम अनिबार्य गरिनेछ । उक्त करेसाबारीमा मौसम अनुसारको तरकारी उत्पादन गर्ने र गर्न लगाई हरेक परिवारले पोषिलो तथा हरियो तरकारी बर्षभरी उपभोग गर्न पाउने व्यवस्था मिलाईनेछ ।

वास्तविक भूमीहिन किसानलाई भूमिमा पहुँच दिन उत्पादनशील निजी तथा सरकारी बाँझो जमिन कृषि उत्पादनको लागि उपयोग गर्ने कार्यक्रम संचालन गरिनेछ । त्यसका लागि स्थानीय सरकारले त्यस्तो जमिनको अभिलेख राखी भूमि बैंकको अवधारणालाई कार्यान्वयन गरिनेछ ।

नीति तथा कार्यक्रम

भूमि बैंकमा आवद्ध कृषकहरुले गरेको खेतीको लागि प्राविधिक सेवा, वीमा, कृषि सामाग्री, बजार ग्यारेण्टी तथा कृषि उपजको सहज निर्यात र विक्रि वितरणका लागि नीति नियम बनाई बजेटको ब्यवस्था गरिनेछ । उत्पादकत्व वढाउनका लागि गरा सुधार र चक्लाबन्दी कार्यक्रम क्रमश लागु गर्दै लगिनेछ ।

क्वारेन्टाईन चेकपोष्ट स्थापना गरी अनियन्त्रित रुपमा आयात भैरहेका अस्वस्थ तरकारी लगायत खाद्य पदार्थ आयातमा नियन्त्रणको लागि आवश्यक पहल गरिनेछ ।

यस क्षेत्रको पहिचानको रुपमा रहेको झिनुवा धान, ताकमारे धान,अनदी धान,आँगा धान, लहरे पहेले मार्सी धान, सिरानडाँडाको आलु, धनसिराको भटमास, स्थानिय काँक्रा लगाएतका स्थानिय प्रजातीका विउहरु विस्तारै लोप हुन गईरहेकोले विउको सहज उपलब्धताको लागि रैथाने प्रजातीको विउ संरक्षण गर्न विउ बैंक स्थापना गरिनेछ ।

प्राङगारिक कृषि मार्फत कृषिलाई व्यवसायीकरण गर्दै उत्पादकत्व बृद्धि गरी यस गाउँपालिकालाई  प्राङगारिक तरकारी, खाद्यान्न, दुध र मासुजन्य पदार्थमा आत्मनिर्भर बनाउने नीति लिइनेछ । विभिन्न प्रकोप तथा वन्यजन्तुहरुबाट हुने वालीको क्षती न्युनिकरण गर्न वाली संरक्षण कार्यक्रम लागू गरिनेछ ।

कृषि क्षेत्रलाई मर्यादित एवम् आकर्षक पेशाको रुपमा विकास गरिनेछ । तुलनात्मक एवं प्रतिस्पर्धात्मक लाभको सम्भावना र भौगोलिक एवम् पर्यावरणीय स्थिति अनुसार विभिन्न भागहरुलाई खाद्यवस्तु, तरकारी तथा नगदेबाली उत्पादनको पकेटक्षेत्र निर्धारण गरी विशेष कार्यक्रम सञ्चालन गरिने छ ।

दुधको बजारीकरणलाई बढवा दिन गाउँपालिकामा एक व्यवस्थित दुध डेरीको स्थापना गर्न विशेष व्यवस्था गरिनेछ ।

रैथाने प्रजातीका पशुपंक्षी प्रवद्र्धन गर्नुको साथै रेन्बोट्राउट माछा व्यवसायीक रुपमा पालन गर्ने कृषकलाई सशर्त अनुदानको व्यवस्था गरिनेछ ।

बाख्रापालक किसानलाई उत्तम खोर निर्माणमा प्राविधिक रुपले सहज गराउनका लागि नमुना खोर निर्माण गरी प्रदर्शनी गरिनेछ ।

कृषि यान्त्रीकरणलाई प्रोत्साहन गर्दै सामुहिक र सहकारी कृषि प्रणालीको विकास गरिनेछ । मल, बीउ, सिंचाई र प्रविधिको सुनिश्चितता गर्दै कृषि उपजको बजारीकरणलाई प्रवद्र्धन गरिनेछ । बाली तथा पशुपंक्षी बीमामा किसानको सर्बसुलभ पहुँच पुग्ने व्यवस्था गरिनेछ । यसका लागि निजी क्षेत्र साथै सहकारी संस्थाहरुलाई समेत परिचालन गरिनेछ । कृषि सहकारीको प्रवद्र्धन गरी साना किसानहरुको आर्थिक सामाजिक सशक्तीकरण गर्न अध्यक्ष साना किसान कार्यक्रमलाई निरन्तरता दिईनेछ ।

कृषि पशु क्षेत्रको विकासका लागि आवश्यक प्राविधिक सेवा उपलब्ध गराइनेछ । प्रत्येक वडामा सामुदायिक स्तरमा एक कृषि तथा एक पशुसेवा प्राविधिकको ब्यवस्था गरी कृषि तथा पशु सेवालाई थप प्रभावकारी गराईनेछ । साथै कृषि सम्बन्धी सूचनाहरु स्थानीय पत्रपत्रिका, रेडियो, मोवाइल तथा सामाजिक सञ्जालमार्फत सम्प्रेषण गर्ने व्यवस्था मिलाइनेछ ।

गाउँपालिका क्षेत्रभित्रका उत्कृष्ट कृषक छनौट गरी सम्मान गरिनेछ । हाट बजार तथा कृषि प्रदर्शनी मेला आयोजना गरिनेछ ।

गाउँपालिका स्तरीय नमुना कृषी फार्मको निर्माण गरी मौरी पालन, फलफुल खेती, अलैची तथा कफी खेती जस्ता नगदे बाली तथा वेमौसमी तरकारी खेतीको प्रवद्र्धन गरी सम्भाव्य कृषि उत्पादनलाई मध्यनजर गरी जोन तथा पकेट क्षेत्रको व्यवस्था गरिनेछ ।

अर्थतन्त्रका तीन स्तम्भहरु सार्वजनिक, निजी र सहकारी क्षेत्रलाई सहभागिता, स्वतन्त्र विकास र परिपूरक भूमिका मार्फत गाँउपालिकाको अर्थतन्त्रलाई सुदृढ गर्दै समृद्धिको मार्गतर्फ आर्थिक नीतिहरु केन्द्रित गरिनेछ ।

गाउँपालिकाको कार्यक्षेत्र भित्र रहेका सबै सहकारी संस्थाहरुको नियमन, प्रवद्र्धन र प्रशिक्षण गरी सहकारी क्षेत्रको संस्थागत क्षमता विकास गर्ने नीति अबलम्वन गरिनेछ  । श्रम सहकारीको स्थापना गर्दै उपभोक्ता समितिको सट्टा श्रम सहकारी मार्फत विकास आयोजनाहरु संचालन गरिनेछ । उद्देश्य र कार्यक्षेत्रको विश्लेषणको आधारमा सहकारी संस्थाहरुलाई एकआपसमा गाभिन प्रोत्साहन गरिनेछ ।

स्थानिय गौरवका आयोजनाको रुपमा पर्यटकिय पदमार्ग, होमस्टे, स्थानिय पर्यटकिय साथै सांस्कृतिक केन्द्रको स्थापना  गर्दै पर्यटन पुर्वाधारको स्तरोन्नती र  निर्माण गरिनेछ । पर्या पर्यटन मार्फत अजिरकोटको पर्यटकिय सम्भावनालाई विश्वभर चिनाउदै लगिनेछ ।

अर्गानिक अजिकरोट, अर्गानिक होम स्टेको अवधारणा विकास गरी आन्तरिक र वाह्रय पर्यटन प्रवद्र्धनका कार्यक्रमहरु संचालन गरिनेछ ।

अजिरकोट गाउँपालिकाको आकर्षक पर्यटकिय गन्तव्यको रुपमा रहेको नागेपोखरी क्षेत्रको एकिकृत पर्यटन पुर्वाधार विकासको लागि विस्तृत परियोजना प्रतिवेदन तयार गरीनेछ । यस क्षेत्रलाई खेलकुद पर्यटन मार्फत प्रवद्र्धन गर्न  नागेपोखरीमा हाई अल्टिट्युड गल्फ खेलको लागि संभाव्यता अध्ययन गरिनेछ । नेपाल लगायत विश्वभरका संस्थागत तथा व्यक्तिगत धावकहरु सहभागी हुन सक्ने गरी निश्चित पुरस्कार राशी सहितको अजिरकोट-नागेपोखरी-निम्चेपोखरी-अजिरकोट दौड प्रतियोगिता संचालन गरिनेछ ।

गाउँपालिका क्षेत्रभित्र सम्भावित स्थानहरुमा ठुला पर्यटकिय पुर्वाधारहरु जस्तै रिसोर्ट, मनोरञ्जन स्थलहरु स्थापना गर्ने आन्तरिक तथा वाह्य लगानीकर्ताहरुलाई सहजिकरण गरी गाउँपालिकाको तर्पmबाट समेत प्रोत्साहन गर्दै लगिनेछ ।

घरेलु तथा साना उद्यमीहरुलाई प्रवद्र्धन गर्नुका साथै नयाँ लघु उद्यमी सृजनाका विविध कार्यक्रहरु संचालन गरिनेछ । लघु, घरेलु, साना तथा मझौला उद्यमहरुलाई अभियानका रुपमा विस्तार गर्न अभिप्रेरित गरिनेछ ।

गाउँपालिकामा दर्ता भएका र नभएका सबै खाले उद्योग व्यावसायहरुको नियमानुसार तथ्यांक अध्यावधिक गर्न दर्ता तथा नविकरण अभियान संचालन गरिनेछ ।

उद्योग व्यवसाय दर्तामा महिला, दलित तथा विपन्न बर्गका लागि राजश्वमा पचास प्रतिशत छुटको व्यवस्था गरिनेछ ।

नागरिकहरुमा वैंकिङ सुविधा सरल र सहज रुपमा विस्तार गर्न अजिरकोट गाउँपालिकाको वालुवा र भच्चेक बजारमा वाणिज्य वैंकहरुको शाखा विस्तार गर्न आवश्यक समन्वय र सहजिकरण गरिनेछ ।

बजार अनुगमनलाई प्रभाकारी पार्दै उपभोक्ताहरुको हीत विपरित कृयाकलापहरुमा संलग्न हुने जोकोहीलाई कारवाहीको दायरामा ल्याईनेछ ।

ख) सामाजिक विकास

सम्मानित सभाका सदस्य ज्यूहरु,

विश्वमा मानव जातिको लागि चुनौतिको रुपमा देखा परको कोभिड १९ को महामारीलाई रोकथाम तथा नियन्त्रणका लागि संघ तथा प्रदेश सरकारसंग समन्वय गरी आवश्यक्ता अनुसार विविध कार्यक्रमहरु सञ्चालन गरिनेछ ।

कोभिड-१९ संक्रमणको सम्भावित जोखिममा रहेका नागरीकहरुलाई अजिरकोट गाउँपालिकाले तोके बमोजिमका क्वारेन्टाइनमा राख्ने ब्यवस्था मिलाइनेछ । यस कार्यमा छिमेकी स्थानीय तहहरुसंग समेत समन्वय र सहकार्य गरिनेछ ।

कोभिड-१९ लगायतका संक्रामक रोगविरुद्ध जनचेतना जगाउन तथा रोकथाम एवं उपचारका प्रयासमा सहयोग पु¥याउन स्थानीय युवाहरुलाई अभिमुखिकरण गरी स्थानीय यूवा क्लव तथा  संघसंस्थाहरुलाई परिचालन गरिनेछ ।

कोभिड-१९ संक्रमित तथा प्रभावितहरुलाई हुन सक्ने सम्भावित घृणा, लाञ्छाना र भेदभावका विरुद्ध सवै वडाहरुमा सचेतनामुलक कार्यक्रमहरुलाई अभियानका रुपमा सञ्चालन गरिनेछ ।

मिलि सवै हटाउ कोभिड-१९ को विपत्ती, स्वस्थ नागरिक अजिरकोटको सम्पत्ती नाराका साथ स्वास्थ्य सेवालाई पहिलो प्राथमिकता दिदै संक्रमण जोखिम रहदासम्म कोरोना भाईरस संक्रमण रोकथाम, नियन्त्रण र उपचारको उचित व्यवस्था मिलाईनेछ । अशक्त, असहाय एवं आर्थिक रुपले विपन्न गर्भवती महिला, जेष्ठ नागरीक तथा अपांगता भएका ब्यक्तिहरुका लागि विशेष कार्यक्रमहरु सञ्चालन गरिनेछ ।

गाउँकार्यपालिकाको कार्यालय, विषयगत शाखा तथा वडा कार्यालयहरुबाट सेवा प्रवाह गर्दा भौतिक दुरी कायम गरी स्वास्थ्य सम्वन्धी तोकिएको मापदण्डको परिपालना गरिने व्यवस्था मिलाईनेछ ।

गाँउपालिकाको अग्रमोर्चामा रहेर काम गर्ने जनप्रतीनिधि, स्वास्थ्यकर्मी, कर्मचारीहरु, सुरक्षाकर्मी र एम्वुलेन्स चालकहरुका लागि स्वास्थ्य विमाको व्यवस्था गरिनेछ । कोरोना भाईरसको महामारी रोकथाम, नियन्त्रण र उपचारमा खटिएका स्वास्थ्यकर्मीहरुलाई कार्यसम्पादनमा आधारित जोखिम भक्ताको व्यवस्था गरिनेछ ।

 विभिन्न रोग तथा महामारीको प्रभावबाट मानसिक रुपमा विक्षिप्त ब्यक्ति, परिवार तथा समुदायलाई मनोपरामर्श सेवा उपलब्ध गराइनेछ ।

गाउँपालिका स्तरमा गुणस्तरिय स्वास्थ्य सेवा प्रदान गर्न एक एमविविएस चिकित्सक, ल्याव टेक्निसियन र रेडियोग्राफर करार सेवामा भर्ना गरी भच्चेक स्वास्थ्य चौकीको सेवा प्रवाहको गुणस्तर वृद्धि गरिनेछ ।

गर्भवती तथा सुत्केरी आमालाई पोषणको अभाव हुन नदिन पोषण सामाग्री सहितको माईतीको कोशेली कार्यक्रमलाई थप प्रभावकारीताका साथ निरन्तरता दिईनेछ ।

स्वास्थ्य चौकी तथा स्वास्थ्य इकाईबाट प्राप्त हुने खोप सेवा, सुरक्षित मातृत्व तथा प्रजनन स्वास्थ्य, पोषण लगायतका जनस्वास्थ्य सेवाहरु र उपचारात्मक सेवाको लागि आवश्यक औषधी, उपकरण तथा स्वास्थ्य सामग्रीको ब्यवस्था मिलाइनेछ ।

खोप, सुरक्षित मातृत्व तथा प्रजनन स्वास्थ्य, पोषण जस्ता जनस्वास्थ्यसंग सम्वन्धित आधारभुत सेवा सुविधालाई प्रभावकारी वनाउन महिला स्वास्थ्य स्वयंसेविकाहरुलाई थप प्रोत्साहन गरी परिचालन गरिनेछ । आवश्यक्ता अनुसार उपाध्यक्ष सामुदायीक नर्सिङ सेवा संचालनमा ल्याईने छ ।

जटिल रोग सम्बन्धी घुम्ती शिविर सञ्चालन, ब्लड डोनेसन र स्वास्थ्य सम्बन्धी जनचेतनामुलक कार्यक्रमहरु समुदाय स्तरमा सञ्चालन गरिने छ ।

अजिरकोट गाउँपालिका भच्चेक स्वास्थ्य चौकीमा सुविधा सम्पन्न ख वर्गको एम्वुलेन्सको व्यवस्था गरी एम्वुलेन्स सेवा संचालनमा ल्याईने छ ।

आयुर्वेद औषधालयलाई व्यवस्थित गर्दै आयुर्वेदिक उपचार पद्धतीलाई प्रवद्र्धन गर्दै लगिनेछ । योग साधनालाई अजिरकोटवासी हरेक नागरिकको जीवनशैलीको रुपमा विकास गरिनेछ ।

अजिरकोट गाउँपालिका क्षेत्रभित्र कार्यरत सामाजिक संघ संस्थाहरुसंगको समन्वय र सहकार्यमा अजिरकोट गाउँपालिकाको विकासको लागि नियमित अन्तरकृया र अन्तरसम्वाद गरिनेछ ।

सामाजिक संघसंस्थाहरुको विकास बजेटलाई अजिरकोट गाउँपालिकाले प्राथमिकिकरण गरेका क्षेत्रहरुमा परिचालन गर्न आवश्यक समन्वय गर्दै गाउँपालिकामा कार्यरत हरेक गैर सरकारी संस्थाहरुको बार्षिक कार्यक्रमहरुलाई पालिकाको वार्षिक बजेट पुस्तिकामा समावेश गरीनेछ ।

गैरसरकारी संस्थाहरुद्धारा संचालित कार्यक्रमहरुको नियमित अनुगमन तथा मूल्याङ्कन गरिनेछ । सामाजिक संघसस्थाहरुबाट विभिन्न विषयगत क्षेत्रहरुमा विनियोजित रकमलाई क्रमश वास्केट फन्डिङको अवधारणा अनुसार परिचालन गरिने नीति लिईनेछ । 

विद्यालय वन्द रहेको अवस्थामा नेपाल सरकारले तोकेको मापदण्ड बमोजिम बैकल्पिक विधिहरुको प्रयोग गरी पठन पाठन सुचारु गर्ने ब्यवस्था मिलाइनेछ ।

विकासको मुल आधार शिक्षा भएकोले शिक्षा क्षेत्रको सुधार र विकासको लागि शिक्षा विधेयक सभाबाट पारित पश्चात् सोही अनुसार आवश्यक कानुन निर्माण गरी विभिन्न शैक्षिक सुधारका कार्यक्रमहरु संचालन गरिनेछ । शैक्षिक गुणस्तर सुधार, शिक्षक विद्यार्थी अभिभावक र सरोकारवाला बीच अन्तरसंवाद साथै शिक्षकहरुको पेशागत हकहित संरक्षणका कार्यक्रम संचालन गर्न शैक्षिक चुनौती कोष मार्फत कार्यसम्पादनमा आधारित अनुदान कार्यक्रम लागु गरिनेछ ।

विद्यार्थीहरुको अन्तरनिहित प्रतिभालाई पहिचान गरी उनीहरुको ज्ञान, सीप र प्रतिभालाई प्रस्फुटन गराउन बौद्धिक तथा खेलकुद प्रतियोगिताहरु संचालन गरिनेछ र सिकाई उपलव्धिको आधारमा शिक्षक विद्यार्थीहरुलाई पुरस्कृत गरिनेछ ।

झिकाउ, टिकाउ र विकाउ नीतिलाई अवलम्वन गर्दै हरेक बालबालिकालाई अनिवार्य भर्ना हुने वातावरणको सृजना गरी विद्यालय छाड्ने दर क्रमश सुन्यमा झारी गुणस्तरिय सीपयुक्त शिक्षामा जोड दिईनेछ ।

गाउँपालिका क्षेत्र भित्रका हरेक विद्यालयका विद्यार्थी, शिक्षक तथा अभिभावकहरुसंग शैक्षिक सुधार र अनुशासनको विषयमा अन्तरसंवाद गर्न गाउँपालिका अध्यक्षसंग साक्षत्कार कार्यक्रम ल्याईनेछ ।

प्रस्तावित माध्यामिक र आधारभुत तहका विद्यालयहरुलाई विषयगत शिक्षकको समस्या हेरी विषयगत शिक्षक सशर्त अनुदानको व्यवस्था मिलाईनेछ । ई.सि.डी.मा कार्यरत शिक्षक शिक्षिकाहरु र विद्यालयका कर्मचारीहरुलाई थप प्रोत्साहनको व्यवस्था गरिनेछ ।

अजिरकोट जेहेन्दार छात्रवृति कार्यक्रम संचालन गरी अजिरकोट भित्रका विपन्न जेहेन्दार विद्यार्थीहरुलाई तोकिएको विद्यालयमा विज्ञान विषय र डिप्लोमा ईन्जिनियरिङ पढ्न छात्रवृतिको व्यवस्था गरिनेछ ।

वडा नं. ३ मा रहेको ज्ञानज्योति मध्यामिक विद्यालयमा कक्षा १२ सम्म विज्ञान विषयको पठनपाठन संचालनको लागि पुर्वाधारहरुको विकास गरिनेछ र गाउँपालिका भित्रका आठ वटा माध्यामिक विद्यालयमा उत्कृष्ट नतिजा ल्याउने एक छात्रा र एक छात्र गरी जम्मा १६ जना विद्यार्थीलाई निशुल्क बाह्र कक्षासम्म ज्ञानज्योति माध्यामिक विद्यालयमा संचालित विज्ञान विषय पढ्नका लागि छात्रवृतिको व्यवस्था गरिनेछ ।

हरेक वडाबाट जेहेन्दार एक जना छात्रा र एकजना छात्र गरी पाँच वटा वडाबाट जम्मा दश जना छात्रछात्रहरुलाई  अजिरकोट गाउँपालिका वडा नं. ४ मा रहेको हिमालय माध्यामिक विद्यालयमा  ईन्जिनियरिङ तर्फ डिप्लोमा पढ्नका लागि पूर्ण छात्रवृतीको व्यवस्था गरिनेछ र छात्रवृतिमा पढिसकेपश्चात अनिवार्य एक वर्ष गाउँपालिकाका वडाहरुमा रहेर स्वयंसेवकको रुपमा ईन्जिनियरिङ सम्वन्धि प्राविधिक सेवा उपलव्ध गराउनु पर्नेछ ।

छोरी भए पुगेसरी कार्यक्रम मार्फत दुईवटासम्म छोरी भई स्थायी वन्ध्याकरण गरेमा दूवै छोरीहरुलाई कक्षा वाह्रसम्म निशुल्क शिक्षाको व्यवस्था गर्दै प्रोत्साहनका कार्यक्रम ल्याईनेछ ।

महिला विकासका विविध कार्यक्रमहरु मार्फत महिला नेतृत्व, सीप र क्षमता विकास गर्दै लगिनेछ । महिला सञ्जाल, बाल सञ्जाल, जेष्ठ नागरिक सञ्जाल, किशोर–किशोरी सञ्जाल र अपाङ्गगता भएकाहरूको सञ्जाल गठन गरी विकासमूलक कार्यक्रममा समन्यायीक सहभागिता सुनिश्चित गरिनेछ ।

महिला हिंसा, वालविवाह, वहुविवाह लगायतका कुरीति कुसंस्कार अन्त्यका लागि सामाजिक रुपान्तरणको अभियानमूलक कार्यक्रम संचालन गरिनेछ । दलित तथा पिछडिएका समुदायको परम्परागत पेशा व्यवसाय आधुनिकीकरण गरी व्यवसायीक बनाउन आवश्यक सहयोग गरिनेछ । जनजाति, विपन्न वर्गको सामाजिक आर्थिक तथा राजनीतिक सशक्तीकरण गरिनेछ । वडा स्तरमा संचालन हुने आयोजनाहरुमा महिलाहरुको नेतृत्व वृद्धि गर्ने नीति अबलम्बन गरिनेछ ।

समुदायमा हुने विवाद समाधान गर्न मेलमिलाप गर्ने नीति अख्तियार गरिनेछ । यसका लागि मेलमिलाप केन्द्रलाई क्रियाशील बनाउने तथा मेलमिलापकर्ता उत्पादन कार्यक्रम सञ्चालन गरिनेछ ।

विकासका दृष्टिले पछाडि परेका वडा तथा क्षेत्रको समानुपातिक एवं सन्तुलित विकासका लागि ती क्षेत्रका समुदायले जुटाउनुपर्ने लागत सहभागिताको भारलाई कम गर्न सकारात्मक बिभेदको नीतिलाई अगाडि बढाइनेछ ।

अजिरकोटको भाषा, साहित्य, कला, संस्कृति र सम्पदाको संरक्षण र सम्वद्र्धन गरिनेछ । अजिरकोटको सांस्कृतिक सम्पदाको संरक्षण गर्न अजिरकोट सांस्कृतिक संग्रालय स्थापना गरिनेछ ।

नवप्रवर्तनकारी युवा उद्यमी र बैदेशिक रोजगारीबाट फर्केका अनुभवी र सीपयुक्त उद्यमशिल युवाहरुलाई उद्यम व्यवसाय शुरु गर्न विउ पूँजि उपलव्ध गराई फर्क युवा अभियानलाई प्रभावकारी रुपमा कार्यान्वयन गरिनेछ । सामाजिक जागरण कार्यमा युवा परिचालन गर्दै युवा विकासका कार्यक्रमलाई प्राथमिकता दिईनेछ । खेलकुद तथा सामाजिक विकासका कार्यहरुमा युवाहरुको संलग्नता अभिवृद्धि गर्दै लगिनेछ ।

विश्वविद्यालयमा खास गरी कृषि, इञ्जिनिएरिङ्ग, विकास अध्ययन, बातावरण बिज्ञान आदि बिषयमा स्नातकोत्तर तहमा अध्ययनरत बिधार्थीहरुबाट प्रस्तावनाहरु आव्हान गरी उत्कृष्ट प्रस्तावनाको कार्यान्वयन गर्नका लागि बजेटको सुनिश्चितता गरीनेछ ।

आवश्यक्ता अनुसार विश्वविद्यालयहरुसंग सम्झौता गरी यस क्षेत्रको विविध विषयमा अन्वेषण अनुसन्धानमुलक कार्यहरु गर्ने व्यवस्था मिलाईनेछ ।

विभिन्न सरकारी तथा गैर सरकारी संघसंस्थाहरुको सहकार्यमा अजिरकोट गाउँपालिकामा क्रमश एक युवा नवप्रवर्तन केन्द्र स्थापना गरिनेछ ।

विदेशबाट फर्किएका तथा रोजगारीको खोजीमा रहेका ब्यक्तिहरुमा रहेको सीप विवरण समेत रोजगार सुचना केन्द्रमा अद्यावधिक गरी त्यस्तो उर्जाशिल जनशक्तिलाई गाँउपालिकाभित्र उपलब्ध हुने निर्माण सेवा, ब्यवसाय, उद्योग, कृषि लगायतका क्षेत्रमा रोजगारदातासंग समन्वय गरी रोजगारी प्रदान गर्न सहजीकरण गरिनेछ ।

बालमैत्री गाउँ बनाउनको लागि बालमैत्री स्थानीय शासनको अवधारणा अनुसार बालमैत्री कार्यक्रम सञ्चालन गर्नुका साथै आगामी तीन वर्ष भित्र बालश्रम रहित गाउँपालिका घोषणा गरिनेछ ।

स्थायी प्रकृतिका टोल वस्ती सुधार संस्थाहरु दर्ता तथा संचालन कार्यविधि निर्माण गरी विकास निर्माणमा परिचालन गरिदै लगिनेछ । अस्थायी प्रकृतिका उपभोक्ता समिति भन्दा स्थायी प्रकृतिका टोल वस्ती सुधार संस्थाहरु मार्फत विकास निर्माणका कामहरु संचालन गर्न प्राथमिकता दिईनेछ । सम्पन्न भएका आयोजनाहरुको सञ्चालन तथा व्यवस्थापन सम्बन्धी सम्पूर्ण जिम्मेवारी सम्बन्धित उपभोक्ताहरुलाई नै हस्तान्तरण गर्ने नीति लिइनेछ । उत्कृष्ट कार्य गर्ने उपभोक्ता समितिलाई प्रोत्साहित गर्ने प्रणालीको थालनी गरिनेछ ।

प्रधानमन्त्री स्वरोजगार कार्यक्रमलाई प्रभावकारी रुपमा सञ्चालन गर्न हरेक वडामा श्रममुलक आयोजनाहरु छनौट गरी सुचिकृत वेरोजगार युवाहरु मार्फत संचालन गरिनेछ । गाउँपालिकाको श्रममुलक आयोजनाहरु समेत स्वरोजगार श्रृजनाहुने गरी परिचालन गरिनेछ ।

ग) पूर्वाधार विकास

अजिरकोट गाउँपालिकाको प्रथम पञ्चवर्षिय योजनाले आंैल्याएका क्षेत्रगत आयोजनाहरुलाई समेटी आयोजना वंैक वनाई हरेक आयोजनाहरुको विस्तृत परियोजना प्रतिवेदन तयार गरी वहुवर्षिय आयोजनाको रुपमा लगानी गरिनेछ ।

संघिय र प्रदेश सरकारद्धारा गाउँपालिका क्षेत्रभित्र आयोजनाहरु छनौट गर्दा गाउँपालिकासंग समन्वय गर्नुपर्ने नीति लिईनेछ । संघिय र प्रदेश सरकारले एक करोड भन्दा कम रकमका आयोजनाहरु गाउँपालिका क्षेत्र भित्र कार्यान्वयन हुने गरी विनियोजन गर्दा गाउँपालिकाले प्राथमिकता गरेको क्षेत्रमा मात्र विनियोजन गर्नुपर्नेछ । नेपालको संविधानमा उल्लेख भएको समन्वय, सहकार्य र सहअस्तित्वको भावना विपरित स्थानीय सरकारसंग समन्वय नगरी विनियोजन गरिएको यस्ता टुक्रे आयोजनाहरुको अपनत्व गाउँपालिकाले लिनेछैन ।

विकास निर्माणका कार्यहरु संचालन गर्दा प्राविधिक रायमा मात्र हेभी ईक्वीपमेन्ट परिचालन गरिनेछ । नयाँ सडक ट्रयाक खोल्ने कार्य पुर्ण रुपमा बन्द गरी भईरहेका मुल सडकहरु क्रमश स्तरोन्ती गर्दै लगिनेछ । श्रमिक तथा मजदुरहरुलाई रोजगार उपलब्ध गराउन श्रममुलक आयोजनाहरु छनौट गरी पूर्णतया श्रमिकहरुको प्रयोग हुने गरी विभिन्न विकास निर्माण कार्यहरु संचालन गरिनेछ ।

गाउँपालिकाको केन्द्रबाट हरेक वडा कार्यालयसम्म पुग्ने पक्की सडक निर्माणको लागि संघिय र प्रदेश सरकारसंग समन्वय र सहकार्य गरी आवश्यक बजेटको व्यवस्था गरिदै लगिनेछ ।

फुटकर र टुक्रे आयोजनाहरुलाई निरुत्साहित गर्दै ठूला र प्रभावयोग्य आयोजनाहरुको छनौट गरी नागरिकहरुलाई दीर्घकालिन लाभ दिनसक्ने वहुवर्षिय आयोजना संचालन गरिनेछ । ठूला आयोजनाहरुको विस्तृत परियोजना प्रतिवेदन तयार गरी संघिय र प्रदेश सरकारसंग समपुरक, सशर्त र विशेष अनुदानको लागि प्रस्ताव गरिनेछ ।

पुर्वाधार विकासका क्रियाकलापहरु सञ्चालन गर्दा विपद जोखिम संवेदनशीलतालाई केन्द्र विन्दुमा राखी कार्यान्वयन गर्न सघाउ पुग्ने गरी डिजाइन तथा ईष्टीमेट गर्ने ब्यवस्था मिलाइनेछ । सडकका छेउहरुमा पहिरो रोकथामका लागि बृक्षारोपण कार्यक्रम सञ्चालन गरिनेछ ।

भौतिक पूर्वाधार तथा संरचनाहरुको गुणस्तर सुनिश्चतताको लागि सुपरिवेक्षण तथा अनुगमन कार्यलाई नियमित बनाई प्रभावकारी रुपमा अगाडि बढाइनेछ ।

अजिरकोट गाउँपालिका वडा नं. ३ नम्की स्थित खुवा खेल मैदानलाई गाउँपालिका स्तरिय खेलमैदानको रुपमा निर्माण गर्न गण्डकी प्रदेश सरकारद्धारा समपुरक अनुदानको रुपमा प्राप्त रकममा थप रकम विनियोजन गरीनेछ ।

भच्चेकदेखि लप्सीबोट हुदै चेपेघाटसम्मको बाटोको विस्तृत परियोजना प्रतिवेदन तयार गरी संघिय र प्रदेश सरकारसंग आवश्यक वजेटको लागि अनुरोध गरिनेछ । संघिय सरकारद्धारा विनियोजन गरेको समपुरक रकममा थप गरी वडा नं. २ को वडा कार्यालयसम्म वाह्रै महिना यातायात संचालन हुने गरी संडक निर्माण गर्न आगामी आर्थिक वर्ष भित्र वहुवर्षिय ठेक्का आह्रवान गरी निर्माण कार्य थालनी गरिनेछ ।

हरेक वस्तीहरुमा राष्ट्रिय विद्युत प्रसारण लाईन विस्तारका लागि संघिय र प्रदेश सरकारसंग समन्वय र सहकार्य गरिनेछ । लघु जलविद्युत मर्मत सम्भारको लागि आवश्यक व्यवस्था गरिनेछ । सौर्य उर्जालाई प्रवद्र्धन गर्दै सडक सौर्य वत्ति मार्फत उज्यालो अजिरकोट कार्यक्रमलाई निरन्तरता दिईनेछ ।

भवन निर्माणमा संघीय सरकारद्वारा पारित भवन संहितालाई कार्यान्वयनमा ल्याई सुरक्षित भवन निर्माणलाई प्रोत्साहन गर्दै निश्चित मापदण्ड तर्जुमा गरी नक्सापासलाई अनिवार्य गरिनेछ । सरकारी तथा सार्वजनिक भवन लगाएतका पुर्वाधारहरू बाल र अपाङ्गता मैत्री बनाइनेछन् ।

ईन्टरनेट सेवा सुलभ, सहज र सरल रुपमा उपलव्ध गराउन सेवा प्रदायकहरुको साझेदारीमा पूर्वाधार निर्माण गरिनेछ । विद्यालय, स्वास्थ्य चौकी र गाउँपालिकाको वडा कार्यालयसम्म भरपर्दाे इन्टरनेट सेवाको क्रमश विस्तार गरिनेछ ।

घ) वन, वातावरण तथा विपद् व्यवस्थापन

कोभिड १९ बाहेकका विपद्हरुको रोकथाम तथा न्युनिकरणका लागि पुर्वतयारी, प्रतिकार्य र पुनर्लाभका कार्यक्रम सञ्चालन गर्न स्थानीय विपद् ब्यवस्थापन कोषमा आबश्यक बजेटको ब्यवस्था गरिनेछ ।

वृक्षारोपण तथा हरित क्षेत्रको प्रवद्र्धन गर्ने नीति अवलम्बन गरिनेछ ।  एक घर एक बोट, हरियाली अजिरकोट कार्यक्रमलाई निरन्तरता दिईनेछ ।

अजिरकोट गाउँपालिका क्षेत्रभित्रको फोहरलाई दीगो व्यवस्थापन गर्न आवश्यक रणनीतिहरु बनाई कार्यान्वयनमा ल्याईनेछ । नजिकका स्थानीय तहहरू र विभिन्न संघसंस्थाहरुसंग समन्वय गरी लागत सहभागितामा पायक पर्ने ठाउँमा फोहोर व्यवस्थापन गरिनेछ साथै घरबाट निस्कने फोहोरलाई कुहिने र नकुहिने फोहोर छुट्याई कुहिने फोहोरबाट जैविक मल उत्पादन गर्न प्रोत्साहित गरिनेछ भने नकुहिने फोहोरलाई रिसाईकाईलिङ  र पुनर्प्रयोग गरिनेछ ।

विपद् व्यवस्थापनका लागि विपद्का क्षेत्रहरुमा जोखिमको अवस्था, जोखिम न्युनिकरणको उपायहरु तथा संस्थागत प्रवद्र्धन गर्न आवधिक जोखिम व्यवस्थापन योजना तर्जुमा गरिनेछ । गाउँपालिकाको वहुप्रकोप जोखिमको नक्सांकन गरिनेछ ।

हरेक विकासका गतिविधीहरुमा दीगो विकासलाई आत्मसात गर्दै वृक्षारोपण, जलवायु परिवर्तन न्युनिकरण र अनुकुलन, रैथाने प्रजातीको संरक्षण र प्रवद्र्धन, जैविक विविधताको संरक्षण र प्रवद्र्धन गरी वातावरणीय सन्तुलन कायम राखिनेछ । गाउँपालिकाका विभिन्न स्थानहरुमा जलवायु मापन केन्द्र स्थापना गरिनेछ ।

सामुदायिक वन व्यवस्थापनमा महिला तथा स्थानीय समुदायको सहभागिता वृद्धि गरी आयआर्जनसँग आवद्ध गराइनुका साथै सामुदायिक वनमा जडिबुटी अलँैची जस्ता उच्च आय खेती प्रवद्र्धन गरी आय तथा रोजगारका अवसर विस्तार गरिनेछ ।

समुदायमा आधारित विपद् व्यवस्थापन समितिहरू गठन तथा विपद् व्यवस्थापनमा संलग्न हुने संघसंस्था समुदाय र व्यक्तिहरूको क्षमता विकास गरिनेछ । गाउँपालिका स्तरिय विपद् व्यवस्थापन केन्द्र स्थापना गरिनेछ ।

पानीका मुलहरुको संरक्षण, पहिरो नियन्त्रण, तटवन्ध, भूक्षयको रोकथाम गर्दै भ–ूसंरक्षण र जलाधार संरक्षणका कार्यक्रमहरु लागू गरिनेछ । सुकेका र सुक्दै गरेका पानीका मुलहरुलाई प्राकृतिक रुपमा पुनर्भरण पोखरी मार्फत जीवित गराउने व्यवस्था मिलाईनेछ ।

भू–उपयोग नीति अवलम्बन गर्नुका साथै सार्वजनिक जग्गाको लगत संकलन गरी संरक्षणको नीति अवलम्बन गरिनेछ । छरिएर रहेका वस्तीहरुलाई सुविधायुक्त एकिकृत वस्ती विकासको परियोजनामा समावेश गरिनेछ । अजिरकोट गाउँपालिका वडा नं. १ को भौगोलिक रुपमा विकट तथा जोखिममा रहेको धनसिरा र चिसाङको वस्ती स्थानान्तरण गर्न अजिरकोट गाउँपालिका भित्र उचित स्थान पहिचान गरी सम्भाव्यता अध्ययन गरिनेछ ।

सामुदायिक वन संरक्षणका लागि वन उपभोक्ता समितिहरुको नियमन, व्यवस्थापन तथा क्षमता विकास गरी वन सम्पदाको दीगो व्यवस्थापन गर्दै लगिनेछ ।

गाउँपालिका स्तरिय मिनि चिडियाखाना निर्माण गर्नुका साथै चोरी शिकारी नियन्त्रण र वन्यजन्तु संरक्षणका लागि कार्ययोजना बनाई विशेष कार्यक्रमहरु संचालन गरिनेछ ।

जनसहभागितामा सञ्चालन गरिने आयोजनाहरु कार्यान्वयन गर्दा वातावरणमैत्री आयोजना बनाउने तर्फ सम्बन्धित उपभोक्ता समितिहरुलाई जिम्मेवार बनाउने नीति लिइनेछ ।

ठूला आयोजनाहरु कार्यान्वयन हुनु अघि प्रारम्भिक वातावरणीय परिक्षण गरिनेछ भने कार्यान्वयन पश्चात् वातावरणिय प्रभाव मूल्यांकन गर्ने नीतिगत व्यवस्था गरी कार्यान्वयनमा ल्याइनेछ ।

भूकम्प प्रभावित नागरिकहरुले आवास निर्माणका लागि राज्यबाट पाउने सेवा सुविधाहरुलाई सरल र व्यवस्थित गराउंदै लगिनेछ । उनीहरुको जिविकोपार्जनसंग सम्वन्धित आयआर्जनका विभिन्न कार्यक्रमहरु गैरसरकारी संघसंस्थाहरुसंग समन्वय गरी संचालन गरिनेछ ।

ङ) संस्थागत विकास र सेवा प्रवाह

कोभिड १९ का कारण कर तथा गैरकर राजस्वमा पर्न सक्ने असरलाई आंकलन गरी आन्तरिक आय अनुमानलाई यथार्थपरक वनाइनेछ । गाउँपालिकाको राजस्व प्रशासनलाई सुधार गर्दै लगिनेछ ।

राजस्व संकलन– भार होइन, समृद्धिको आधार हो भन्ने  जागरण गराउन राजश्व सचेतना अभियान  सञ्चालन गरिनेछ । राजश्वका थप क्षेत्र पहिचान गरी राजस्व वृद्धि गर्ने नीति लिइनेछ । गाउँपालिकाको राजस्व सुधार कार्य योजना तयार गरी लागु गरिनेछ ।

अजिरकोट गाउँपालिका क्षेत्रभित्रका उत्कृष्ट करदातालाई पुरस्कृत गर्दै आन्तरिक आय प्रवद्र्धनका कार्यक्रमहरु लागु गरिनेछ । आन्तरिक आयका क्षेत्रहरु पहिचान र परिचालन गरी आन्तरिक आयलाई क्रमशः वढवा दिदै लगिनेछ । यस गाउँपालिका क्षेत्रभित्र बसोबास गर्ने अजिरकोटबासीहरुको क्षमता, स्थानिय श्रोत र अन्य गाँउपालिकाको तुलनात्मक अध्ययन तथा प्रचलित ऐन नियमका आधारमा करका दरहरु निर्धारण गरिनेछ ।

सेवा प्रवाहको गुणस्तरका वारेमा समिक्षा गर्न कार्यपालिका, शाखा प्रमुख तथा वडा सचिवहरुको चौमासिक प्रगति समिक्षा बैठक संचालन गरिनेछ ।

गाउँपालिकाकोे संस्थागत क्षमता अभिबृद्धि तथा मानव संसाधन विकासका लागि क्षमता विकास योजना तर्जूमा गरिनेछ । गाउँपालिकाको सांगठनिक विकासलाई प्राथमिकता दिदै जनप्रनिनिधि तथा कर्मचारीहरुको क्षमता अभिवृद्धिको लागि क्षमता विकासका विविध कार्यक्रमहरु ल्याईनेछ ।

कर्मचारीहरुको कार्य सम्पादन मूल्याङ्कन पद्दतिलाई प्रभावकारी र वैज्ञानिक बनाई सेवामुखी एवं जवाफदेही बनाइनेछ । उच्च कार्य सम्पादन सहित उत्कृष्ट सेवा प्रवाह गर्ने राष्ट्रसेवक कर्मचारीलाई पुरस्कार सहित सम्मान गरिनेछ ।

सेवा प्रवाहमा संलग्न कर्मचारीहरुको मनोवल बढाउन आवश्यकता अनुसार प्रोत्साहनका कार्यक्रमहरु ल्याइनेछ । आन्तरिक पर्यटन प्रवद्र्धन साथै कर्मचारी उत्प्रेरणाका लागि वर्षमा पाँच दिनको तलवी विदासहतिको कर्मचारी प्रोत्साहन कार्यक्रम संचालन गरिनेछ । कर्मचारीलाई निशुल्क आवासको व्यवस्था गर्न कर्मचारी आवासको निर्माण गरिनेछ ।

अजिरकोट वाहिर रहेका प्रतिभावन् व्यक्तित्वहरुलाई अजिरकोटको समृद्धि र विकास संवन्धमा अन्तरकृया गर्ने परिपाटिको विकास गरिनेछ ।

गाउँपालिका र वडा कार्यालयबाट प्रवाह गरिने सेवाहरुलाई चुस्त र पारदर्शी वनाइने छ । गाउँ कार्यपालिकाको कार्यालय, वडा कार्यालय र शाखाबाट हुने सेवा प्रवाहमा विद्युतिय प्रविधिको प्रयोग गरिनेछ । कार्यालयको गतिविधीहरु वेव साईट, फेसबुक पेज मार्फत सार्वजनिक गरिनेछ । मोबाईल एप्स मार्फत सम्पूर्ण योजना र गतिविधिहरु जानकारी हुने व्यवस्था मिलाइनेछ  ।

पञ्जिकरणलाई प्रविधिमैत्री गराउनुका साथै व्यवस्थित गर्दै लगिनेछ भने सामाजिक सुरक्षा भक्ता वितरणलाई वैकिंङ प्रणालीमा आवद्ध गरिनेछ ।

घुम्ती सेवा र सूचना प्रविधि मार्पmत सेवा प्रदान गर्दै नागरिकलाई सहज र सुलभ रुपमा सार्वजनिक सेवामा पहुँच स्थापित गर्न आवश्यक संस्थागत सुदृढीकरण गरिनेछ । आगामी वर्षदेखि कार्यान्वयन गरिने गरी गाउँपालिकाको निश्चित गाउँ छनौट गरी ई-भिलेज परियोजनालाई पाईलटिङ गरिनेछ ।

नागरिकलाई आवश्यक सुचना तथा सेवामा सहज पहुंच पुर्याउन र सेवा प्रवाहमा सहजिकरण गर्न गाउँ कार्यपालिकाको कार्यालय तथा वडा कार्यालयहरुमा नागरिक डेस्क स्थापना गर्दै लगिनेछ ।

गाउँपालिकाको सम्पुर्ण गतिविधीहरुलाई आम नागरिकसामु ल्याई पारदर्शितालाई प्रवद्र्धन गर्न अजिरकोट आवाज त्रैमासिक पत्रीका प्रकाशन गरिनेछ । सुशान र सदाचारलाई प्रवद्र्धन गर्दै भ्रष्टाचार निर्मुल गर्न शुन्य सहनशिलताको नीति अवलम्बन गरिनेछ ।

२०७७ साल श्रावण मसान्तसम्ममा गाउँ कार्यपालिकाको कार्यालयको प्रिफ्याव भवन निर्माण गरी आप्mनै भवनबाट सेवा प्रवाह सुचारु गरिनेछ । आगामी आर्थिक वर्षमा गाउँपालिकाको स्थायी भवन निर्माणको लागि वहुवर्षिय ठेक्का प्रक्रिया अगाडि वढाईनेछ ।

स्थानीय न्यायिक समितिको क्षमता अभिवृद्धि गर्दै न्याय प्रणालीको प्रवद्र्धन गरिनेछ । विद्यमान न्यायिक समिति र कानून कार्यान्वयनका निकाय माथि सहज पहुँचका लागि निःशुल्क कानूनी परामर्श सेवा प्रदान गरिनेछ । सामाजिक संघसंस्थाहरुको परिचालन मार्फत निश्चित विषयमा कानूनी परामर्श सेवा तथा मनोसामाजिक परामर्शका कार्यक्रमहरु सञ्चालन गरिनेछ । विधिको शासनलाई प्रवद्र्धन गर्न आवश्यक कानुनी संरचनाहरु तयार गर्दै लगिनेछ ।

नगर प्रहरी भर्ना गरी नागरिकहरुको निर्भय पुर्वक जिवनयापन र पेशा व्यवसाय गर्न पाउने हकको संरक्षण गर्दै विधिको शासनलाई थप मजवुद गराईनेछ ।

सम्मानित सभाका सदस्य ज्युहरु,

प्रस्तावित नीति तथा कार्यक्रमको सफल कार्यान्वयनले दीगो आत्म निर्भर अजिरकोट निर्माणको आधार सृजना गरी कोरोनाले निम्ताएको शोकलाई शक्तिमा वदल्न टेवा पुर्याउने अपेक्षा लिएकोछु । विगतको अनुभव, वर्तमानको कार्य र भविश्यप्रतिको दीगो सोचले मात्र हामीले लिएको नयाँ लक्ष्यमा पुग्न नयाँ बाटोहरुको पहिचान गरी यात्रा तय गर्न सकिने कुरामा म विश्वस्त छु ।

अजिरकोट गाउँपालिकाको समृद्धि र विकासको लागि गाउँपालिकाले आगामी आर्थिक वर्षमा गाउँपालिका क्षेत्रभित्र कार्यान्वयन गर्ने नीति तथा कार्यक्रमको सफल कार्यान्वयनका लागि समस्त अजिरकोटवासी दाजुभाई दिदीवहीनी, राजनैतिक दल, नागरिक समाज, बुद्घिजिवी, अर्धसरकारी तथा गैरसरकारी संघसंस्था, राष्ट्रसेवक कर्मचारी, संञ्चारजगत, विकास साझेदार लगायत सबै पक्षहरुबाट रचनात्मक सहयोग र सद्भाव रहनेछ भन्ने विश्वास लिएको छु ।

      धन्यवाद !

     जय नेपाल

1 COMMENT

LEAVE A REPLY

Please enter your comment!
Please enter your name here