गोरखा, शनिबार, ३१ साउन २०७७ । गोरखाको पालुङटार नगरपालिकाले नगरक्षेत्र भित्रमा लकडाउन गर्ने घोषणा गरेको छ ।

नगरपालिकाले आज शनिबार एक सूचना जारी गर्दै भदौं ७ गतेसम्मका लागि नगरपालिका क्षेत्र भित्र लकडाउनको घोषणा गरेको हो । देशभर कोरोना संक्रमणको जोखिम बढी रहेका बेला पालुङटार नगरपालिका-४ का एक व्यक्तिलाई कोरोना संक्रमणको पुष्टी भएपछि पालिकाको बैठकबाट भोली आइतबारदेखि लकडाउन गर्ने भएको हो ।

संक्रमित व्यक्तिको कुनै ट्राभल हिस्ट्री नभएको र क्वारेन्टाइनमा नबसेको व्यक्ति रहेको नगरपालिकाले जनाएको छ । उहाँ घरबाट चितवन गएपछि मात्र संक्रमणको पुष्टी भएको थियो । समुदायमा नै संक्रमण देखिएपछि थप संक्रमण फैलन सक्ने जोखिमलाई मध्यनजर गरि नगरपालिकाले पालिका भित्र एकहप्ताका लागि लकडाउनको घोषणा गरेको हो । लकडाउन अबधीभर अत्याबश्यक बाहेका सवारी साधन सञ्चालन गर्न नपाइने तथा बिना काम जथाभावी हिडडुल गर्न तथा आवाजजावत गर्न समेत नपाइएको सूचनामा उल्लेख गरिएको छ ।

सूचनामा नगरक्षेत्र भित्र स्वास्थ्यकर्मी, सुरक्षाकर्मी र अतिआबश्यक सेवामा खटिने कर्मचारी बाहेक एम्बुलेन्स, खाधान्न, पानी तथा तरकारी बोकेका सवारी साधान सञ्चालन गर्न पाइने छ । त्यस बाहेक उद्योग कलकारखना, बैंक तथा बित्तिय संस्थाहरुलाई बन्द हुने नगरपालिकाले जनाएको छ । पालुङटार नगरपालिकाको सिमा क्षेत्रमा पर्ने बन्दिपुर गाउँपालिका, भानु नगरपालिका लगायतका क्षेत्रमा समेत डकडाउनको घोषणा गरिएको छ ।

भानु नगरपालिका भित्र २२ जनामा कोरोना संक्रमण पुष्टी भएपछि त्यहाँ थप संक्रमण फैलन नदिन लकडाउन घोषणा गरिएको हो । त्यस्तै बन्दिपुर गाउँपालिकाले भने छिमेकी भानु नगरपालिकामा संक्रमण बढेपछि पालिका भित्र लडडाउनको घोषणा गरेको हो ।

LEAVE A REPLY

Please enter your comment!
Please enter your name here