Monday, March 1, 2021
More

    गोरखाको सिरानचोक गाउँपालिकामा ७ जनाले लगाए कोरोना बिरुद्धको खोप

    गोरखा, बिहिबार, १५ माघ २०७७ । जिल्लामा हिजोदेखि सुरु भएको खोप अभियान अन्तर्गत आज गोरखाको सिरानचोक गाउँपालिकाका ७ जनाले कोरोना बिरुद्धको खोप लगाएका छ्न ।

    सोही अनुरुप गोरखा जिल्लामा थप १ सय ५९ जनाले कोरोना बिरुद्धको खोप लगाएका छन् । खोप अभियान अन्तर्गत दोस्रो दिन १ सय २५ जना महिला र ३४ जना पुरुषले कोराना बिरुद्धको खोप लगाएका गोरखा अस्पतालका सूचना अधिकारी कृष्ण ढकालले जानकारी दिनुभयो ।

    जसमध्ये ८७ जना स्वास्थ्यकर्मी, ६२ जना महिला स्वास्थ्य स्वयमसेविका र अन्य १० जना रहेका छन् । उनीहरुमध्ये गोरखा नगरपालिका भित्रका ४७ जना, शहिद लखन गाउँपालिकाका ३५ जना भीमसेन थापा गाउँपालिका भित्रका ४३ जना, धार्चे गाउँपालिकाका १९ जना, आरुघाट गाउँपालिकाका ६ जना, बारपाक सुलिकोट गाउँपालिका तथा चुमनुव्री गाउँपालिकाका १-१ जनाले पनि आज कोरोना खोप लगाएका छन् ।

    त्यसैगरी, हिजो जिल्ला भित्रका १ सय १६ जनाले कोरोना बिरुद्धको खोप लगाएका थिए । यो संगै गोरखा जिल्लामा कोरोना बिरुद्धको खोप लगाउनेको संख्या २ सय ७५ पुगेको छ । खोप लगाएकाहरुमा अहिलेसम्म कसैलाई कुनै प्रकारको जटिल समस्या नदेखिएको सूचना अधिकारी ढकालले जानकारी दिनु भयो ।

    लोकप्रिय समाचार

    सम्बन्धित समाचार

    Leave A Reply

    Please enter your comment!
    Please enter your name here