February 24, 2024
मनोरञ्जन

राष्ट्रिय लोक सञ्चारकर्मी नेपाललाई प्रतिष्ठानको बधाई तथा शुभकामना

काठमाडौँ, शनिबार, १३ माघ २०८० । राष्ट्रिय लोक तथा दोहोरी गीत प्रतिष्ठान नेपालले एक कार्यक्रमको आयोजना गर्दै राष्ट्रिय लोक सञ्चारकर्मी नेपालका नवनिर्वाचित कार्यसमितिका पदाधिकारी र सदस्यहरूलाई बधाई तथा शुभकामना प्रदान गरेको छ ।

शुक्रवार टोखास्थित प्रतिष्ठानकै भवनमा आयोजित कार्यक्रममा लोक सञ्चारकर्मी नेपालका अध्यक्ष चन्द्रमणि गौतमलाई दोसल्ला र बधाई प्रमाण–पत्रसहित शुभकामना व्यक्त गरेको हो ।

राष्ट्रिय लोक संचारकर्मी नेपालको नवनिर्वाचित कार्यसमितिलाइ राष्ट्रिय लोक तथा दोहोरी गीत प्रतिष्ठानकि अध्यक्ष रिता थापा, प्रतिष्ठानका संस्थापक अध्यक्ष अमर बिरही गुरुङ, संस्थाका सल्लाहकार पृथ्वी थकाली, प्रतिष्ठान नेपालका वरिष्ठ उपाध्यक्ष पशुपति शर्मा, प्रतिष्ठान नेपालका उप–महासचिव शिरीष देवकोटा लगायत अन्य प्रतिष्ठानका सदस्यले स्वागत गर्नु भएको थियो ।

कार्यक्रममा लोक दोहोरी गीत प्रतिष्ठान नेपालका संस्थापक अध्यक्ष तथा संरक्षक अमर विरही गुरुङले लोक गीतसङ्गीतमा देखिएको विकृति न्यूनीकरणका लागि कलाकार र लोक सञ्चारकर्मीबिच समन्वय र सहकार्य आवश्यक रहेको बताउनु भयो ।

प्रतिष्ठानका केन्द्रीय अध्यक्ष रिता थापा मगरले सञ्चारकर्मी र कलाकारको सोच, भावना र उद्देश्य लोक गीत सङ्गीत र संस्कृतिको जर्गेना भएकाले सहकार्यको भावनासहित अघि आग्रह गर्नुभयो ।

राष्ट्रिय लोक सञ्चारकर्मी नेपालका अध्यक्ष चन्द्रमणि गौतमले कलाकार र सञ्चारकर्मीबिच एक अर्कामा सहयोगी भावना रहे मात्रै दीर्घकालीन सहकार्य टिक्न सक्नेमा जोड दिनुभयो ।

Leave a Reply

Your email address will not be published. Required fields are marked *