काठमाडौं, सोमबार, २२ बैशाख २०७७ । रुसमा एकैदिन दश हजार बढी नयाँ कोरोना संक्रमित पुष्टी भएको छ । रुसमा पछिल्लो २४ घण्टामा अहिलेसम्मकै सबैभन्दा बढी कोरोनाभाइरसका संक्रमित थपिएका छन् । रुसमा आइतबार दश हजार ६ सय ३३ जना नयाँ संक्रमित थपिएको अन्तर्राष्ट्रिय सञ्चारमाध्यमहरुले जनाएका छन् ।

आइतबारसम्म रुसमा संक्रमितको संख्या एक लाख ३४ हजार ६ सय ८७ पुगेको छ । बिहिबारसम्म उक्त संख्या एक लाख रहेको थियो । तीन दिनदेखि लगातार संक्रमित हुनेको संख्या बढ्ने क्रममा रहेको रुसी अधिकारीहरुले बताएका छन् । संख्या बढ्दै जाँदा रुस सातौं सबैभन्दा बढी संक्रमित हुने राष्ट्र बनेको छ ।

रुसी कोरोनाभाइरस सम्बन्धी सूचना अद्यावधिक गर्ने निकायका अनुसार आइतबारसम्म एक हजार २ सय ८० जनाको संक्रमणले मृत्यु भएको छ । रुसी अधिकारीहरुले नयाँ थपिएका ५० प्रतिशत संक्रमितमा कोभिड–१९ को संक्रमणका लक्षणहरु देखिएका छैनन् ।

कुल संक्रमितको पचास प्रतिशत संक्रमित राजधानी मस्कोमा मात्रै फेला परेको सीएनएनले उल्लेख गरेको छ । रुसमा आइसोलेश अवधि मई ११ सम्मलाई थप गरिएको छ । रुसी राष्ट्रपति भ्लादिमिर पुटिनले संक्रमित हुने क्रम अहिले नै स्थिर नहुने बताउनुहुँदै महामारीको उत्कर्ष रुसले भोग्न बाँकी नरहेको सचेत गराउनुभएको छ ।

समाचारमा अस्पतालमा कार्यरत स्वास्थ्य अधिकारीहरु भने रिसाएको उल्लेख गरिएको छ । क्वारेन्टाइनका लागि प्रयोग गर्न दुई दर्जन अस्पताल बन्द गरिएका छन् । रुसी स्वास्थ्य अधिकारीहरुले पर्याप्त व्यक्तिगत् सुरक्षा उपकरणको अभाव समेत रहेको बताएका छन् ।

LEAVE A REPLY

Please enter your comment!
Please enter your name here