काठमाडौं, आइतबार, ४ जेठ २०७७। विश्वभर फैलिएको कोरोना भाइरसबाट ४७ लाख १७ हजार ७ सय ८० जना संक्रमित भएका छन् । वल्र्डमिटरका अनुसार आइतबार बिहानसम्मको तथ्यांक अनुसार संक्रमितको संख्या अमेरिकामा उच्च छ । त्यहाँ १५ लाख ७ हजार ९ सय ८२ जनामा संक्रमण पुष्टि भएको छ ।

त्यसैगरी, रुसमा २ लाख ७२ हजार ४३, बेलायतमा २ लाख ४१ हजार ४ सय ६१, ब्राजिलमा २ लाख ३३ हजार १ सय ४२, स्पेनमा २ लाख ३० हजार ६ सय ९८, इटालीमा २ लाख २४ हजार ७ सय ६० हजारमा कोरोना संक्रमण पुष्टि भएको छ ।

विश्वभर ३ लाख १२ हजार ३ सय ९२ जनाको कोरोना संक्रमणपछि मृत्यु भएको छ । सर्वाधिक मृत्यु हुने देशको सूचीमा पनि अमेरिका नै अगाडि छ । त्यहाँ ८९ हजार ६ सय ३ जनाको मृत्यु भइसकेको छ ।

त्यस्तै, बेलायतमा ३४ हजार ५ सय ४६, इटालीमा ३१ हजार ७ सय ६३, स्पेनमा २७ हजार ५ सय ६३, फ्रान्समा २७ हजार ५ सय ३२, ब्राजिलमा १५ हजार ६ सय ३३ जनाको मृत्यु भइसकेको छ ।

त्यसैगरी, विश्वभर १८ लाख १० हजार १ सय १९ संक्रमित अहिले संक्रमणमुक्त भएका छन् । संक्रमणमुक्त हुने देशको सूचीमा पनि अमेरिका नै अघि छ । त्यहाँ ३ लाख ३९ हजार ३ सय ७३२, जर्मनीमा १ लाख ५२ हजार ६ सय, स्पेनमा १ लाख ४६ हजार ४ सय ४६, इटालीमा १ लाख २२ हजार ८ सय १० जना संक्रमणमुक्त भएका छन् ।

नेपालमा भने २ सय ८१ जनामा संक्रमण पुष्टि भएको छ । तीमध्ये ३६ जना संक्रमणमुक्त भएका छन् । नेपालमा कोरोना संक्रमणपछि एक जनाले ज्यान गुमाएका छन् । शनिबार सिन्धुपाल्चोक बाह्रबिसेकी एक महिलाको धुलिखेल अस्पतालमा मृत्यु भएको थियो ।

LEAVE A REPLY

Please enter your comment!
Please enter your name here