गोरखा, आइतबार, ११ माघ २०८२ । गोरखाको बारपाक सुलिकोट गाउँपालिका र गाउँ पर्यटन प्रवर्धन मन्च (VITOF) नेपालसंग पर्यटन प्रवर्धन सम्बन्धी अन्तरक्रिया कार्यक्रम सम्पन्न भएको छ ।
कार्यक्रममा अध्यक्ष विष्णु प्रसाद भट्टले होमस्टे प्रवर्धन, पदमार्ग पहिचान तथा सुधार, स्थानीय संस्कृति संरक्षण र पर्यटन पूर्वाधार विकासलाई प्राथमिकतामा राख्दै दिगो तथा समुदायमैत्री पर्यटन विकासमा नीति, कार्यक्रम र बजेटमार्फत जोड दिइने प्रतिबद्धता व्यक्त गर्नुभयो ।
सो कार्यक्रममा बारपाक सुलिकोट गाउँपालिकाका उपाध्यक्ष सन माया गुरुङ, बागमति प्रदेश सरकार पर्यटन तथा संस्कृति मन्त्रालयका सचिव दिपेन्द्र सुवेदी, टुरिजम बोर्ड पोखराका निर्देशक, VITOF Nepal का पदाधिकारी, TAAN का प्रतिनिधि, जनप्रतिनिधि र पर्यटन व्यवसायीहरु लगायतको बाक्लो उस्पथिति रहेको थियो ।
बारपाक सुलिकोट गाउँपालिकाका अध्यक्षको अध्यक्षतामा सो कार्यक्रम सम्पन्न भएको थियो ।
