गोरखा, शुक्रबार, २२ मङ्सिर २०८० । सिरानचोक गाउँपालिका स्तरीय चौथो राष्ट्रपति रनिङ शिल्ड प्रतियोगिताको उपाधी ससंरी माध्यमिक विद्यालय गाँखुले हात पारेको छ ।
मंसिर १९ गते देखिसम्म सञ्चालन भएको प्रतियोगितामा संसरी माबिले ८ स्वर्ण २ रजत १ कास्य पदक हात पार्दै उपाधी जितेको हो ।
खेलमा सिरानचोक गाउपालकिा भित्रका सामुदायिक विद्यालयहरुको सहभागीता रहेको थियो । प्रतियोगितामा गत वर्षको उपाधी बिजेता महेन्द्र लिला माबि हर्मी भने ६ स्वर्ण ५ रजत २ कास्य पदक हातपार्दै उपबिजेतामा चित्त बुझाउन बाध्य भएको छ ।
प्रतियोगितामा छात्र छात्रा तर्फ भलिबल, कबडी, एथलेटिक्स लगायतका ३० खेल सन्चालन भएको आयोजकले जानकारी दिएको छ ।
