Skip to content Skip to sidebar Skip to footer

पाँचौं बारपाक सुलिकोट राष्ट्रपति रनिङ शिल्डको उपाधि माझथर मा बि को हातमा

गोरखा, आइतबार, ११ कात्तिक २०८१ । गोरखाको बारपाक सुलिकोट गाउँपालिकाको आयोजनामा भएको पाचौँ राष्ट्रपति रनिङ शिल्ड प्रतियोगिताको उपाधि माझथर माविले जितेको छ । गाउँपालिकाको केन्द्र ताकुकोटमा भएको प्रतियोगितामा १२ स्वर्ण, ६ रजत र ४ काँस्य गरि कूल २२ पदक जितेर माझथर मावि उपाधि बिजेता बनेको गाउँपालिका शिक्षा शाखा प्रमुख भिमकुमार श्रेष्ठले बताउनु भयो ।

उक्त बिद्यालयले ३० हजार नगद पुरस्कारको साथमा ट्रफि, मेडल र प्रमाण पत्र प्राप्त गरेको छ । यससँगै लगातार ३ वर्ष विजेता बन्दै माझथर माविले बारपाक सुलिकोट गाउँपालिकाको रनिङ शिल्डमा आफ्नो स्वामित्व समेत हाँसिल गरेको छ । त्यस्तै, प्रतियोगितामा ७ स्वर्ण, ७ रजत र ५ काँस्य गरि कूल १९ पदक सहित सूर्यज्योति मावि उपाधि उपबिजेता बनेको छ ।

उक्त बिद्यालयले २० हजार नगद पुरस्कारको साथमा ट्रफि, मेडल र प्रमाण पत्र प्राप्त गरेको गाउँपालिकाले जनाएको छ । २ स्वर्ण, २ रजत र १ काँस्य गरि कूल ५ पदक सहित तेस्रो स्थान हासिल गरेको शैलपुत्री माविले १० हजार नगद पुरस्कार सहित ट्रफि, मेडल र प्रमाण पत्र प्राप्त गरेको छ ।

प्रतियोगितामा भलिबल खेलको छात्रतर्फ दुर्गा माविका कविराज विक र छात्रातर्फ माझथर माविका पूजा गुरुङ उत्कृष्ट खेलाडी घोषित भएका छन् । त्यस्तै गरि कबड्डी खेलको छात्रतर्फ सूर्यज्योति माविका सन्देश श्रेष्ठ र छात्रातर्फ सूर्यज्योति माविकै अञ्जना परियार उत्कृष्ट खेलाडी बन्न सफल भएका छन् । एथलेटिक्समा छात्रतर्फ सूर्यज्योति माविका पविन रम्तेल र छात्रातर्फ माझथर माविका पुनम गुरुङ उत्कृष्ट खेलाडी घोषित भएका छन् ।

विजेता टिमलाई गाउँपालिकाका अध्यक्ष विष्णु भट्टले पुरस्कार वितरण गर्नु भएको थियो । सो प्रतियोगितामा १० वटा माध्यामिक र २ वटा आधारभूत गरि जम्मा १२ वटा विद्यालयका चार सय विद्यार्थीको सहभागिता रहेको थियो ।

बिहीबाट शनिबारसम्म्म संचालन भएको प्रतियोगितामा एथलेटिक्स, कबड्डी र भलिबल गरि कूल ३० विधामा प्रतिस्पर्धा भएको थियो । पुरस्कार वितरण कार्यक्रममा बोल्दै प्रमुख प्रशासकीय अधिकृत सुवास आलेले खेलकूद प्रतियोगिताले खेलाडीको अनुशासन, खेलभावनाको विकास र सर्वाड्गीण विकास टेवा पु¥याउने बताउनु भयो ।

Leave a comment

0/100

ipmSamachar is an online news platform that focuses on providing people with information on almost all national and international sectors.

 

Contact Us

DOI No.: 856/075/076

  • Phone: 01 – 5253452
  • Phone: 9849699411 | 9803507666
  • Email: ipmsamachar@gmail.com
  • Office Address: Lalitpur, Nepal
 

Our Team

  • ·Bibek Lama | Press Representative
    (Executive Director)
  • ·Ram Chandra Shrestha
  • ·Raju Miya | Chief Editor
  • ·Sahil Khadka | Video Editor
  • ·Rajan Pariyar (Dubai)

i.Phoolbari Media Network Pvt. Ltd. © 2016 – 2025. All Rights Reserved.

Sign Up to Our Newsletter

Be the first to know the latest updates

[yikes-mailchimp form="1"]