ललितपुर, शनिबार, २६ जेठ २०८१ । महिला, युवा नेतृत्व बिकास र जीवन कला सम्बन्धि अभिमुखिकरण तालिम सम्पन्न भएको छ ।
लक्जरी इभेन्ट्स एण्ड इन्टरटेन्मेन्ट प्रा. लि. को आयोजनामा ललितपुर महानगरपालिका वडा नं १५ को सहयोगमा उक्त तालिम समापन भएको हो ।
नयाँ पुस्ताको नेतृत्वले समुदायको विकासमा टेवा पु¥याउने भएकाले नेतृत्व विकासका लागि तालिमको आयोजना गरिएको वडा अध्यक्ष सुरेश बहादुर शाहीले बताउनु भयो ।
ललितपुर महानगरपालिका वडा न.१५ का वडा अध्यक्ष सुरेश बहादुर शाहीको प्रमुख आतित्यता रहेको उक्त तालिममा सुमित्रा चौलागाईं (सुमि मानव) ,कृष्ण मुरारी पुडासैनी, विजय पोखरेल र रोशन ढकालले प्रशिक्षण दिनु भएको थियो ।
“नेतृत्वको सार, सफलताको आधार” भन्ने नाराका साथ युवाहरुमा रहेको क्षमताको विकास र समुदायको विकासमा युवाको नेतृत्व कायम गर्नको लागि उक्त अभिमुखीकरण तालिम प्रदान गरिएको लक्जरी इभेन्ट्स एण्ड इन्टरटेन्मेन्ट प्रा. लि. का अध्यक्ष पुजा रेग्मी महन्तले बताउनु भयो ।
तालिममा वडा जनप्रतिनिधी शशिकला सुवेदी, अनुप घिमिरे, निशा परियार, वडा सचिव निरज श्रेष्ठ, वडा कर्मचारी, विभिन्न महिला समूहका प्रतिनिधीको उपस्थिति रहेको थियो ।
कार्यक्रम कामना आचार्यले संचालन गर्नु भएको थियो ।
