ललितपुर, सोमबार, ३ असार २०८१ । शेयर मार्केटिङ सम्बन्धी तालिम सुरु भएको छ ।
ललितपुर महानगरपालिका वडा न १५ को सहकार्यमा आजदेखि सुरु भएको तालिम असार ९ गतेसम्म संचालन हुने वडा सचिव निरन श्रेष्ठले जानकारी दिनुभयो ।
ललितपुर महानगरपालिका वडा न १५ को वडा अध्यक्ष सुरेश बहादुर शाहीले कार्यक्रमको उद्घाटन गर्दै सहभागीहरुलाई शेयर बजारको महत्व र यसमा लगानी गर्दा हुने फाइदाहरुको बारेमा जानकारी दिनुभयो ।
अध्यक्ष शाहीले आगामी दिनहरुमा युवाहरुलाई व्यवसायिकतातर्फ सशक्त रुपमा अगाडि बढाउन यस्ता किसिमका कार्यक्रमलाई निरन्तरता दिने बताउनु भयो ।
