ललितपुर, बिहिबार, १९ भाद्र २०८१ । गोदावरी नगरपालिका वडा नं ३ एमाले वडा कमिटी तथा अखिल नेपाल महिला संघको आयोजनामा बृहत तीज विशेष कार्यक्रम २०८१ सम्पन्न भएको हो ।
गाेदावरी ३ अनेम संघ कार्बाहक अध्यक्ष शोभा फुयालकाे सभापतित्वमा, नेकपा एमाले बागमति प्रदेश कमिटी सचिव नवराज सिल्वालको प्रमुख आतिथ्यतामा भएको थियो । प्रमुख अतिथि नवराज सिल्वालले कार्यक्रमलाई सम्बोधन गर्दै महिलाहरुले मनाउने महान पर्व हरितालिका तीजको शुभकामना दिनुभयो । तीज पर्वको सांस्कृतिक महत्त्वको संरक्षण गर्नुका साथै महिला सशक्तीकरण र सामाजिक एकताको सन्देश प्रवाह भएकोमा खुसी व्यक्त गर्नुभयो ।
बागमती प्रदेश सांसद मधुसुधन पौडेल बिशेष आतिथ्यतामा भएको उक्त कार्यक्रममा नेकपा एमाले ललितपुर जिल्ला कमिटी अध्यक्ष पुरुषोत्तम आचार्य, गोदावरी ३ एमाले वडा कमिटी अध्यक्ष प्रल्हाद सिल्वाल, गोदावरी ३ एमाले कमिटीका इन्चार्ज सुमन खड्का, नेपाल उत्पिडित जातिय मुक्ति समाज ललितपुरका अध्यक्ष प्रदिप रम्तेल लगायत जिल्ला तथा स्थानीय नेताहरुको सहभागिता रहेको थियो ।
