ललितपुर, शुक्रबार, १९ पौष २०८१ । ललितपुर महानगरपालिका १५ नं वडा कार्यालयको आयोजनामा चेतनामूलक सरसफाई कार्यक्रम हुने भएको छ ।
पौष २० गते (भोली ) शनिबार बिहान ७ बजे भेल्पा मन्दिरमा भेला भएर सामुहिक रुपमा सरसफाई सुरु गरिने वडा अध्यक्ष सुरेश बहादुर शाहीले जानकारी दिनुभयो । साथै, उहाँले स्थानीयबासी, टोल विकास समिति, नेपाल स्काउट, स्वास्थ्य स्वयंमसेविका, विभिन्न संघ संस्था लगायत सम्पूर्ण महानुभावहरुलाई चेतनामूलक सरसफाई कार्यक्रममा सहभागी हुन आग्रह गर्नुभयो ।
स्वच्छ सफा मेरो धर्ती, मेरो दायित्व मेरो जिम्मेवारी भन्ने मूल नाराका साथ आयोजना गरिएको चेतनामूलक सरसफाई कार्यक्रममा भेल्पा प्रगति नगर टोल बिकास संस्था, कल्प बृक्ष महिला समुह, प्रगति नगर हासीखुशी महिला समुह, भेल्पा महिला समूहको सह आयोजनामा हुने उक्त सरसफाई अभियानमा सिर्जनसिप सेवा प्रा लि, सिर्जनशील वातावरण संरक्षण केन्द्र, नेपाल फुलबारी सेवा प्रा लि को सहाकार्य रहेको छ ।
सरसफाई मानवीय जीवनशैलीको अभिन्न अङ्ग हो । जन्मेदेखि मृत्युपर्यन्त सरसफाई जरुरी रहने भएकाले सरसफाई सुविधा तथा सामग्रीहरुको मागमा कहिल्यै कमी हुँदैन । सरसफाई वैयक्तिक, पारिवारिक र सामाजिक मान, प्रतिष्ठा र इज्जतको विषय हो । यो हाम्रो सभ्यता, संस्कृति र पहिचान मात्र नभएर निरोगी तथा स्वस्थ जीवन यापनको लागि एक प्रमुख र बलियो अस्त्र पनि हो । विज्ञहरु भन्छन् : ‘सरसफाईमा गरेको १ रुपैयाँ लगानीले ८ रुपैयाँ बराबरको प्रतिफल दिन्छ ।’
भेल्पा प्रगति नगर टोल बिकास संस्था, कल्प बृक्ष महिला समुह, प्रगति नगर हासीखुशी महिला समुह, भेल्पा महिला समूहको सह आयोजनामा हुने उक्त सरसफाई अभियानमा सिर्जनसिप सेवा प्रा लि, सिर्जनशील वातावरण संरक्षण केन्द्र, नेपाल फुलबारी सेवा प्रा लि को सहाकार्य रहेको छ ।
