ललितपुर, बिहिबार, १० माघ २०८१ । ललितपुर महानगरपालिका वडा नं १५ वडा कार्यालयले जेष्ठ नागरिक धार्मिक तिर्थ भ्रमण तथा सम्मान कार्यक्रम गर्ने भएको छ ।
मनकामना मन्दिर गोरखा जिल्ला शहिद लखन गाउँपालिकामा अवस्थित नेपालको एक महत्वपूर्ण धार्मिक तथा पर्यटकीय स्थानको रुपमा परिचित रहेको छ ।
ललितपुर महानगरपालिका वडा नं १५ मा स्थायी रुपमा बसोबास गर्ने ६८ वर्ष उमेर पुगेका जेष्ठ नागरिक धार्मिक तिर्थ भ्रमण तथा सम्मान कार्यक्रम राखिएको वडा अध्यक्ष सुरेश बहादुर शाहीले बताउनु भयो । मनकामना माइको दर्शन गर्न जाने इच्छुक स्वस्थ जेष्ठ नागरिकले नेपाली नागरिकताको फोटोकपी सहित आगामी माघ १४ गते सम्म वडा कार्यालय सातदोबाटो ललितपुरमा आफ्नो नाम दर्ता गराउन अनुरोध गर्नुभयो । साथै, उहाँले माघ १६ गते बिहान ७ बजे मनकामना मन्दिर दर्शन गर्नका लागि प्रस्थान गरिने बताउनु भयो ।
मनले चिताएको कामना अर्थात मनको ईच्छा पूरा गर्ने भगवती देवी भएकोले मन्दिरको नाम मनकामना रहन गएको जनविश्वास छ ।
जनविश्वासका कारण मानिसहरु भगवती मन्दिरलाई सम्झी आफुले चिताएको काम पूरा होस भनि भाकल गर्दछन र वर्षेनी विभिन्न शुभ साईत हेरी हजारौं दर्शनार्थीहरु आफ्नो भाकल चढाउन यो मन्दिरमा आउने गर्छन् ।
