गोरखा, मंगलबार, २३ वैशाख २०८२ । गैरसरकारी संस्था महासंघ नेपाल जिल्ला कार्यसमिति गोरखाको अध्यक्षमा हरि देवकोटा चयन भएका छन् । महासंघको सोमबार सम्पन्न २२ औँ साधारण सभा तथा छैटौँ अधिवेशनले देवकोटाको नेतृत्वमा कार्यसमिति चयन गरेको हो ।
अधिबेशनले उपाध्यक्षमा बालकृष्ण लामिछाने, सचिवमा प्रमिला अधिकारी, सह-सचिवमा अनिता नेपाली, कोषाध्यक्षमा सुनिल न्यौपाने चयन गरेको छ । त्यस्तै सदस्यहरुमा राजु गुरुङ, साने गुरुङ, मिलनसिंह बस्नेत, प्रतिमा राना, गीतामाया श्रेष्ठ चयन भएको निर्वाचन अधिकृत स्थानेश्वर दुवाडीले जानकारी दिए ।
महासंघका गोरखा अध्यक्ष सिताराम श्रेष्ठको अध्यक्षता भएको अधिवेशन उद्घाटन कार्यक्रममा गैसस महासंघ नेपालका अध्यक्ष अर्जुन भटराईको प्रमुख अतिथ्यता रहेको थियो ।
कार्यक्रममा समन्वय प्रमुख मोहन बहादुर थापा मगर, उपप्रमुख लिला परियार, गोरखा नगरपालिकाका प्रमुख कृष्ण बहादुर राना मगर, उपप्रमुख मसली माया थोकर, केन्द्रिय महासचिव देवि खड्का, नेपाली काँगेसका सचिव किश्वर जंग थापा, नेकपा एमालेका सचिव काजिराम रोका, माओबादी केन्द्रका सचिव अकुर तिमिल्सीना, नेपाल पत्रकार महासंघ गोरखाका अध्यक्ष नरेन्द्र ढकाल लगायतले मन्तव्य राखेका थिए ।
