ललितपुर, आइतबार, २२ असार २०८२ । ललितपुरको जाउलाखेलमा रहेको मुस्लिम आयोगमा सुदूरपश्चिम प्रदेश प्रमुख माननीय नजिर मियाँले भेटवार्ता गर्नु भएको छ ।
माननीय सुदूरपश्चिम प्रदेश प्रमुखज्यू र अयोगका पदाधिकारी, सदस्य तथा प्रतिनिधीहरुबीच भेटवार्ता गर्नु भएको हो ।
मुस्लिम समुदायका नागरिकहरूको हकअधिकार सुनिश्चित गर्न मुस्लिम आयोगको महत्त्वपूर्ण योगदान रहेको उल्लेख गर्दै माननीय प्रदेश प्रमुखज्यूले आयोगप्रति आभार प्रकट गर्नुभयो ।
कार्यक्रममा सहभागी समुदायका प्रतिनिधिहरूले सुदूरपश्चिम प्रदेशको नेतृत्व गरिरहनुभएका माननीय प्रदेश प्रमुख नजिर मियाँप्रति गर्व व्यक्त गर्दै बधाई तथा शुभकामना अर्पण गर्नुभएको थियो ।
समुदायबाट यस्तो गरिमामय पदमा पुग्नु प्रेरणादायी रहेको प्रतिक्रिया दिँदै उहाँहरूले उत्साह व्यक्त गर्नु भएको थियो । कार्यक्रममा मुस्लिम आयोगको सम्भावना र थप चुनौतीबारे छलफल गरिएको थियो ।
