गोरखा, बुधबार, ७ साउन २०८२ । गोरखाको भीमसेनथापा गाउँपालिकामा शुक्रबार सार्वजनिक विदा दिने भएको छ ।
नेपालका प्रथम प्रधानमन्त्री भनेर प्रख्यात भीमसेन थापाको जन्मजयन्तीको अवसरमा आउँदो शुक्रबार भीमसेन थापा गाउँपालिकामा सार्वजनिक विदा घोषणा गरिएको हो ।
गाउँपालिकाले मंगलबार सार्वजनिक सूचना जारी गरी आउँदो साउन ९ गते शुक्रबार गाउँ कार्यपालिका कार्यालय लगायत गाउँपालिका माताहत सञ्चालन भएका विद्यालय, स्वास्थ्य संस्था, कृषि तथा पशु शाखा लगायतका कार्यालय विदा रहने जनाइएको छ ।
